ՔԾՏՀ | Կայքէջ

Հայաստանի Հանրապետության վարչապետի աշխատակազմի
քաղաքացիական ծառայության գրասենյակ

Մուտք |

Գրանցվել

Մուտք Նույնականացման Միասնական Համակարգի միջոցով

Գլխավոր

«ԱՋԱԿՑՈՒԹՅՈՒՆ ՀԱՅԱՍՏԱՆՈՒՄ ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԲԱՐԵՓՈԽՈՒՄՆԵՐԻ ԻՐԱԿԱՆԱՑՄԱՆԸ» ԵՎՐՈՊԱԿԱՆ ՄԻՈՒԹՅԱՆ ԹՎԻՆԻՆԳ ԾՐԱԳՐԻ ԱՌԱՋԸՆԹԱՑԻ ՆԵՐԿԱՅԱՑՄԱՆ ՄԻՋՈՑԱՌՈՒՄ

ԵՄ ԹՎԻՆԻՆԳ ԾՐԱԳՐԻ ԵԶՐԱՓԱԿԻՉ ՄԻՋՈՑԱՌՈՒՄ

ԵՄ ԹՎԻՆԻՆԳ ԾՐԱԳՐԻ ԵԶՐԱՓԱԿԻՉ ՄԻՋՈՑԱՌՈՒՄ

ԵՄ ԹՎԻՆԻՆԳ ԾՐԱԳՐԻ ՇՐՋԱՆԱԿՈՒՄ ՈՒՍՈՒՑՈՂԱԿԱՆ ԱՅՑ

Առցանց հեռարձակում

Վիճակագրություն

Հեռավար ուսուցում

Նորություններ

ՏԵՂԵԿԱՏՎՈՒԹՅՈՒՆ

Էկոնոմիկայի նախարարության գլխավոր քարտուղարի (ծածկագիր՝ 23-Ղ1-1) թափուր պաշտոնն զբաղեցնելու համար 2020 թվականի ապրիլի 22-ին՝ ժամը 10:00-ին, անցկացված արտաքին մրցույթի հարցազրույցի փուլը հաղթահարած միակ մասնակիցն է Արմեն Լևիկի Խաչատրյանը:

ՏԵՂԵԿԱՏՎՈՒԹՅՈՒՆ

Արդարադատության նախարարության գլխավոր քարտուղարի (ծածկագիր՝ 12-Ղ1-1) թափուր պաշտոնն զբաղեցնելու համար 2020 թվականի ապրիլի 21-ին՝ ժամը 10:00-ին, անցկացված արտաքին մրցույթի հարցազրույցի փուլը հաղթահարած միակ մասնակիցն է Սուրեն Արշակի Գալստյանը:

ՏԵՂԵԿԱՏՎՈՒԹՅՈՒՆ

Առողջապահության նախարարության գլխավոր քարտուղարի (ծածկագիր՝ 11-Ղ1-1) թափուր պաշտոնն զբաղեցնելու համար 2020 թվականի ապրիլի 15-ին՝ ժամը 10:00-ին, անցկացված արտաքին մրցույթի հարցազրույցի փուլը հաղթահարած միակ մասնակիցն է Լուսինե Բորիսի Քոչարյանը:

ՀԱՅՏԱՐԱՐՈՒԹՅՈՒՆ

Երկրում արտակարգ դրություն հայտարարելու ռեժիմի հետ կապված՝ տեղեկացնում ենք, որ համապատասխան մարմինների կողմից թափուր պաշտոն զբաղեցնելու համար հայտարարված մրցույթների գործընթացը չի կասեցվում: Համապատասխան մարմինը, անհրաժեշտ հիմքերի առկայության դեպքում, կարող է կայացնել հայտարարված մրցույթի գործընթացը կասեցնելու մասին որոշում, որի վերաբերյալ պարտավոր է հրապարակել հայտարարություն և իրազեկել դիմում ներկայացրած քաղաքացիներին:

ՀԱՅՏԱՐԱՐՈՒԹՅՈՒՆ

Հաշվի առնելով երկրում կորոնավիրուսի վարակի տարածման վտանգը և շփումների սահմանափակման անհրաժեշտությունը՝ ժամանակավորապես դադարեցվում է քաղաքացիական ծառայության թափուր պաշտոններ զբաղեցնելու համար մրցույթներ հայտարարելու գործընթացը: Մրցույթների հայտարարությունների հրապարակումը վերսկսելու մասին կտեղեկացվի լրացուցիչ:

ՏԵՂԵԿԱՏՎՈՒԹՅՈՒՆ

Այսօր՝ մարտի 10-ին, Քաղաքացիական ծառայության գրասենյակում տեղի ունեցավ ԵՄ Թվինինգ «Աջակցություն Հայաստանի Հանրապետության քաղաքացիական ծառայության բարեփոխումների հետագա իրականացմանը» ծրագրի ղեկավար խորհրդի առաջին նիստը՝ խորհրդի նախագահ Գարուշ Դավթյանի ղեկավարությամբ։ Նիստին ներկա էին ծրագրի գլխավոր ղեկավարը և ֆինանսական մասի պատասխանատուն Ֆինլանդիայից, ծրագրի կրտսեր ղեկավարները Ֆրանսիայից և Էստոնիայից։ Թվինինգ ծրագրի ղեկավար խորհուրդը հաստատեց ծրագրի աշխատանքային ծրագիրը, ծրագրի հրապարակայնության պլանը, հետագա նիստերի ժամանակացույցը, ինչպես նաև առաջիկայում սպասվող ծրագրի մեկնարկային մեծ միջոցառման հետ կապված հարցեր։ Ծրագրի գլխավոր խորհրդական Քրիստա Հաակը ներկայացրեց ծրագրի առաջընթացը՝ մեկնարկի և պլանավորման փուլում, իսկ գործընկեր խորհրդականը և բաղադրիչների գործընկեր ղեկավարները մանրամասնեցին ԵՄ գործընկերների հետ տարվող աշխատանքների իրավիճակը։ Գրասենյակի ղեկավար Գարուշ Դավթյանը դրական և արդյունավետ գնահատեց Թվինինգ ծրագրի հետ համագործակցությունը և ևս մեկ անգամ գրասենյակի անունից ընդգծեց ծրագրի կարևորությունը քաղաքացիական ծառայության համակարգի համար։ ԵՄ պատվիրակության միջազգային համագործակցության պատասխանատու Պաուլիուս Ստրելչիունասը նույնպես գոհունակություն հայտնեց ծրագրի իրականացման ընթացքի վերաբերյալ, նշեց, որ Պատվիրակությունը շարունակական կապի մեջ է թե՛ գլխավոր խորհրդականի և թե՛ Գրասենյակի հետ և բաց է համագործակցության համար։

ՏԵՂԵԿԱՏՎՈՒԹՅՈՒՆ

Այսօր՝ 2020 թվականի մարտի 3-ին, Քաղաքացիական ծառայության գրասենյակի ղեկավար Գարուշ Դավթյանն ընդունեց Եվրոպայի Խորհրդի «Հայաստանում կոռուպցիայի դեմ պայքարի և կանխարգելման ինստիտուցիոնալ կարողությունների հզորացման» ծրագրի ղեկավար՝ Տաթևիկ Բարսեղյանին։ Հանդիպման ընթացքում կողմերը քննարկեցին ԵԽ մանդատի շրջանակներում նախատեսված հանրային ծառայողների կառուպցիայի դեմ պայքարի և բարեվարքության կարողությունների ամրապնդման ուղղությամբ համագործակցության հնարավորությունները: Համաձայնություն ձեռք բերվեց համագործակցել բարեվարքության և հակակոռուպցիոն թեմաներով վերապատրաստումների ծրագրերի և մոդուլների մշակման մեթոդաբանության, վերապատրաստողի ձեռնարկի և այլ անհրաժեշտ նյութերի մշակման ուղղությամբ։

ՏԵՂԵԿԱՏՎՈՒԹՅՈՒՆ

Փետրվարի 27-ին վարչապետի աշխատակազմի քաղաքացիական ծառայության գրասենյակում տեղի ունեցավ վերապատրաստում մարդկային ռեսուրսների կառավարման ստորաբաժանումների ներկայացուցիչների համար՝ «Հազարամյակների և «Z» սերնդի կառավարումը. արդյո՞ք սա վերջի սկիզբն է, թե՞ սկզբի վերջը» խորագրով: Վերապատրաստումն անցկացվեց ՄԲ Շեֆիլդի համալսարանի Executive MBA ծրագրի ղեկավար Լեսլի Սզամոզիի կողմից: Վերապատրաստման ընթացքում պարոն Սզամոզին, ի թիվս այլ հարցերի, անդրադարձավ նաև պետական համակարգում տարբեր տարիքային խմբերի հետ աշխատանքների առանձնահատկություններին և մարտահրավերներին:

ՏԵՂԵԿԱՏՎՈՒԹՅՈՒՆ

Այսօր՝ փետրվարի 25-ին, տեղի ունեցավ հանդիպում ՔԾԳ-պատասխանատուների և ՄԱԶԾ ներկայացուցիչների միջև։ ՔԾԳ-ն հանդիսանում է ՄԱԶԾ «Կանայք քաղաքականության մեջ» ծրագրի հիմնական գործընկերներից մեկը և այս անգամ ծրագրի շրջանակներում կիրականացվի հատուկ մեթոդաբանությամբ անցկացվող գնահատում, որի նպատակն է «Գենդերային կնիք»-ին արժանանալը։ ՔԾԳ ղեկավար պարոն Գարուշ Դավթյանը ողջունեց ծրագրի նախաձեռնությունը և ընդգծեց, որ ՔԾԳ-ը միշտ պատրաստ է ընդգրկվելու կայուն զարգացմանը միտված նախաձեռնությունների մեջ։

ՏԵՂԵԿԱՏՎՈՒԹՅՈՒՆ

Այսօր՝ փետրվարի 24-ին, վարչապետի աշխատակազմի քաղաքացիական ծառայության գրասենյակում հանդիպում է տեղի ունեցել քաղաքացիական ծառայության տեղեկատվական հարթակի ծրագրավորողների և Ֆինանսների նախարարության կողմից գործարկվող բյուջետային ծրագրավորման ներկայացուցիչների միջև: Հանդիպման ընթացքում քաղաքացիական ծառայության գրասենյակի ղեկավար Գարուշ Դավթյանը կարևորել է երկու տեղեկատվական հարթակների միջև ինֆորմացիոն փոխանակումը, որն ավելի արդյունավետ կդարձնի հարթակների աշխատանքը:

ՏԵՂԵԿԱՏՎՈՒԹՅՈՒՆ

Փետրվարի 20-ին քաղաքացիական ծառայության գրասենյակի ներկայացուցիչները հյուրընկալել են «Կասկադ Քնսալթընթս» ընկերության հիմնադիր և կառավարող խորհրդի անդամ՝ Արփի Կարապետյանին: Հանդիպման ընթացքում քննարկվել են քաղաքացիական ծառայողների վերապատրաստումների, այդ թվում՝ հարցազրույցների անցկացման հմտությունների զարգացման նպատակով նախատեսվող վերապատրաստումների հիմնախնդիրները: Քաղաքացիական ծառայության գրասենյակը, պարբերաբար հանդիպումներ անցկացնելով մարդկային ռեսուրսների ոլորտում հանրապետության առաջատար կազմակերպությունների ներկայացուցիչների հետ, քաղաքացիական ծառայության համակարգում հետևողականորեն ներդնելու է ՄՌ ոլորտին առնչվող նորարար լավագույն փորձը:

ՏԵՂԵԿԱՏՎՈՒԹՅՈՒՆ

Փետրվարի 19-ին Քաղաքացիական ծառայության գրասենյակը հնարավոր համագործակցության քննարկման նպատակով հրավիրել էր Մարդկային ռեսուրսների մասնագետ՝ Պրո-Սերվիս-Լ ընկերության հիմնադիր տնօրեն՝ CIPD ասոցացված անդամ՝ Լիլիթ Հակոբյանին։ Վերջինիս հետ քննարկվեցին քաղաքացիական ծառայողների համար նորարար ՄՌ կարողությունների ստեղծման և գիտելիքի փոխանցման նպատակով հնարավոր համագործակցության ուղիները։ Քաղաքացիական ծառայության գրասենյակը որդեգրել է մի քաղաքականություն, որի նպատակն է՝ հանրային հատվածի անձնակազմի կառավարման պրակտիկան դարձնել ավելի նորարար և հագեցած ժամանակակից մարդկային ռեսուրսների կառավարման գործիքակազմով՝ հզորացնելով և զարգացնելով ներքին ներուժը։

ՏԵՂԵԿԱՏՎՈՒԹՅՈՒՆ

Փետրվարի 13-ին, Քաղաքացիական ծառայության գրասենյակի պատասխանատուները հանդիպում ունեցան ԹՈՒՄՈ ստեղծարար տեխնոլոգիաների կենտրոնի ղեկավարների հետ, որի ընթացքում քննարկվեցին համագործակցության հնարավոր ուղղությունները՝ քաղաքացիական ծառայողներին մոտ ապագայում ընդգրկելու ԹՈՒՄՈ-ի կողմից առաջարկվող վերապատրաստման առցանց և առկա դասընթացների, հրավիրյալ դասախոսների վարպետաց դասերի և այլ նախաձեռնությունների մեջ։ Համագործակցությունը կարևորվում է ՔԾԳ-ի կողմից՝ ժամանակին համընթաց քայլելու և քաղաքացիական ծառայողների համար նորագույն տեխնոլոգիաների տիրապետման համար հնարավորություն ստեղծելու տեսանկյունից։

ՏԵՂԵԿԱՏՎՈՒԹՅՈՒՆ

Փետրվարի 11-12-ին Քաղաքացիական ծառայության գրասենյակում տեղի է ունեցել «Հարմոնիա» տեղեկատվական տեխնոլոգիաների և կրթության զարգացման հիմնադրամի հետ համատեղ քաղաքացիական ծառայության համակարգի մարմինների մարդկային ռեսուրսների պատասխանատուների իրազեկման դասընթաց` «Քաղաքացիական ծառայության տեղեկատվական հարթակի կիրառությունը և ֆունկցիոնալությունը» թեմայով:

ՏԵՂԵԿԱՏՎՈՒԹՅՈՒՆ

Արարատի մարզպետարանի գլխավոր քարտուղարի (ծածկագիր՝ 91-Ղ2-1) թափուր պաշտոնն զբաղեցնելու համար 2020 թվականի հունվարի 29-ին՝ ժամը 10:30-ին, անցկացված արտաքին մրցույթի հարցազրույցի փուլը հաղթահարած միակ մասնակիցն է Լիլիթ Յուրիի Միրզախանյանը: