Հուլիսի  1-ին ՀՀ վարչապետի աշխատակազմի քաղաքացիական ծառայության գրասենյակում տեղի է ունեցել աշխատանքային հանդիպում ՄԱԶԾ Կայուն զարգացման նպատակների Հայաստանյան կենտրոնի  ներկայացուցիչների հետ։ Հանդիպման ընթացքում քննարկվել են հնարավոր համագործակցության ուղիները՝ միտված Հայաստանում  մասնակցային կառավարման և քաղաքականության մշակման նորարարական մոտեցումների զարգացմանը։ Մասնավորապես, անդրադարձ է կատարվել մասնակցային և ներառական կառավարման ինստիտուցիոնալ մեխանիզմների ամրապնդմանը, քաղաքականության կայացման գործընթացների արդիականացմանն, ինչպես նաև քաղաքացիական ծառայողների և  քաղաքականություն մշակողների կարողությունների զարգացմանը՝ հատկապես արհեստական բանականության  գրագիտության ոլորտում։  Հանդիպման արդյունքում ձեռք է բերվել պայմանավորվածություն քննարկումների շարունակականության, համագործակցության հնարավոր ուղղությունների խորացման և համատեղ  գործողությունների ճանապարհային քարտեզի մշակման շուրջ։