Հունիսի 27-ին ՀՀ վարչապետի աշխատակազմի քաղաքացիական ծառայության գրասենյակում տեղի է ունեցել աշխատանքային հանդիպում GIZ-ի և OECD/SIGMA ծրագրի ներկայացուցիչների հետ։ Հանդիպման ընթացքում քննարկվել և ամփոփվել են հունիսի 25-26-ը Քաղաքացիական ծառայության գրասենյակում անցկացված որակի կառավարման եվրոպական CAF մոդելի վերաբերյալ երկօրյա վերապատրաստման դասընթացի արդյունքները և այդ շրջանակներում Գրասենյակի գնահատման իրականացմանն ուղղված հետագա միջոցառումներն ու գործողությունները։ Հատկապես ընդգծվել է համատեղ ծրագրերի մշակման և իրագործման համատեքստում սերտ համագործակցությունը զարգացնելու, լավագույն փորձի փոխանակման, շարունակական կատարելագործման և հանրային կառավարման ոլորտում որակի գնահատման նոր մոդելի ներդրման կարևորությունն ու անհրաժեշտությունը։