Մայիսի 31-ին, ՀՀ վարչապետի աշխատակազմի քաղաքացիական ծառայության գրասենյակում տեղի է ունեցել աշխատանքային հանդիպում Համաշխարհային բանկի ներկայացուցիչների հետ: Հանդիպման ընթացքում Քաղաքացիական ծառայության գրասենյակի ղեկավար Վաչե Քալաշյանը ներկայացրել է Ավագ գործադիր կորպուսի ձևավորմանն առնչվող հարցերը, ինչպես նաև Քաղաքացիական ծառայության տեղեկատվական հարթակի հնարավորությունները և արդիականացմանն ուղղված միջոցառումների իրականացման կարևորությունը: Անդրադարձ կատարվեց համագործակցության արդյունքներին, իրականացված ծրագրերին, և քննարկվեցին հետագա գործողությունների ընթացակարգերն ու համագործակցության հնարավորությունները: