Բաժնի պետն անմիջական ենթակա և հաշվետու է Վարչության պետին:

Բաժնի պետին անմիջականորեն ենթակա և հաշվետու են Բաժնի աշխատողները:

Բաժնի պետի բացակայության դեպքում նրան փոխարինում է Բաժնի  գլխավոր մասնագետներից մեկը:

1. ապահովում է քրեակատարողական այդ թվում՝ պրոբացիայի, ինչպես նաև ներման խնդրագրերի ոլորտների (այսուհետ՝ համակարգվող ոլորտներ) վերաբերյալ Հայաստանի Հանրապետության օրենսդրության և միջազգային փորձի ուսումնասիրության  և վերլուծության աշխատանքները.
2. ապահովում է Բաժնի կողմից համակարգվող ոլորտներում դեռևս չկարգավորված հարաբերությունների կարգավորմանն ուղղված իրավական ակտերի նախագծերի, ինչպես նաև արդեն իսկ ընդունված և ուժի մեջ մտած իրավական ակտերում փոփոխություններ և լրացումներ կատարելու մասին նախագծերի մշակման աշխատանքները.
3. ապահովում է Բաժնի կողմից մշակված իրավական ակտերի նախագծերը շահագրգիռ մարմիններին ներկայացնելու, վերջիններս նրանց հետ համաձայնեցնելու, նախագծերի վերաբերյալ հանրային քննարկումներ կազմակերպելու, ինչպես նաև շահագրգիռ մարմինների կողմից ստացված կարծիքների ամփոփման աշխատանքները.
4. օրենքով սահմանված կարգով ապահովում է Բաժնի կողմից մշակված նախագծերին կից ներկայացվող փաստաթղթերի կազմման (հիմնավորումներ, տեղեկանքներ, ամփոփաթերթեր և այլն) աշխատանքերը.
5. ապահովում է միջազգային և հասարակական կազմակերպությունների, այդ թվում՝  քրեակատարողական, և պրոբացիայի ոլորտի առնչությամբ Հայաստանի Հանրապետության մարդու իրավունքների պաշտպանի կողմից ներկայացվող (այդ թվում՝ որպես կանխարգելման ազգային մեխանիզմ) զեկույցների քննարկումը, վերլուծությունը և անհրաժեշտության դեպքում նախարարության մեկնաբանությունների տրամադրումը.
6. պատիժները կատարելու նկատմամբ հասարակական վերահսկողություն իրականացնող հասարակական դիտորդների խմբի կողմից ներկայացված հրատապ, ընթացիկ և տարեկան հաշվետվությունների վերաբերյալ նախարարության մեկնաբանությունների տրամադրումը. 
7. ապահովում է ներման խնդրագիր ներկայացրած անձի վերաբերյալ անձնական գործի կազման աշխատանքները.
8. ապահովում է Ներման հարցերի քննարկման խորհրդակցական հանձնաժողովի քարտուղարության աշխատանքները և հանձնաժողովի ընթացիկ գործունեության ապահովմանն ուղղված անհրաժեշտ այլ գործողությունների կատարումը.
9. ապահովում է ներման ոլորտի վերաբերյալ քաղաքացիների և իրավաբանական անձանց գրավոր դիմումների, միջնորդությունների և բողոքների օրենքով սահմանված կարգով քննարկման և վերլուծության աշխատանքները. 
10. ապահովում է  Հայաստանի Հանրապետության նախագահի հրամանագրերի և ներում շնորհելու մասին Հայաստանի Հանրապետության նախագահի հրամանագրերի նախագծերի՝ իրավունքի ուժով ուժի մեջ մտնելու մասին ծանուցումների կատարման նկատմամբ  վերահսկողությունը.
11. ապահովում է  Անչափահասների արդարադատության խորհրդի գործունեության համակարգման աշխատանքների իրականացումը.

• համակարգվող ոլորտներին առնչվող հարցերով համագործակցել միջազգային և ներպետական կազմակերպությունների, այդ թվում՝ քաղաքացիական հասարակության ներկայացուցիչների հետ, ինչպես նաև մասնակցել համակարգվող ոլորտի քաղաքականության վերաբերյալ միջազգային և ներպետական մակարդակում կազմակերպվող միջոցառումների, քննարկումների. 
• համակարգվող ոլորտներին առնչվող՝ Կառավարության ծրագրից և դրանից բխող միջոցառումների, ռազմավարությունների և դրանց իրականացման ծրագրից բխող, ինչպես նաև միջազգային պարտավորությունների կատարմանն ուղղված միջոցառումների կատարման նպատակով համագործակցել շահագրգիռ մարմինների հետ.
• համակարգվող ոլորտներին առնչվող իրավական ակտերի դրույթների սահմանադրականության վիճարկման դեպքում Կառավարության բացատրության նախագծի մշակման, պատիժները կատարելու նկատմամբ հասարակական վերահսկողություն իրականացնող հասարակական դիտորդների խմբի կողմից ներկայացված հրատապ, ընթացիկ և տարեկան հաշվետվությունների, ինչպես նաև  ՀՀ մարդու իրավունքների պաշտպանի կողմից ներկայացվող (այդ թվում՝ որպես կանխարգելման ազգային մեխանիզմ) զեկույցների, գրությունների վերաբերյալ մեկնաբանություններ ներկայացնելու նպատակով շահագրգիռ մարմիններից պահանջել և ստանալ անհրաժեշտ տեղեկատվություն.
• ներկայացնել Հայաստանի Հանրապետությունը համակարգվող ոլորտներին առնչվող միջազգային կառույցներում, ինչպես նաև մասնակցել Անչափահասների արդարադատության խորհրդի նիստերին, ստանալ տեղեկատվություն արդարադատության ոլորտում երեխաների իրավունքների պաշտպանությանն ուղղված քաղաքականության մշակման և զարգացման աշխատանքների, այդ թվում՝ Անչափահասների արդարադատության խորհրդի գործունեության վերաբերյալ.
• Նախարարության քրեակատարողական և պրոբացիայի ծառայությունների գործունեության մեթոդական ղեկավարման նպատակով մշակել և ստորագրման ներկայացնել հանձնարարականներ, ցուցումներ և հրամաններ, ինչպես նաև ստանալ տեղեկատվություն Նախարարության քրեակատարողական և պրոբացիայի ծառայությունների, քրեակատարողական հիմնարկների, ինչպես նաև  Նախարարության քրեակատարողական ծառայության կենտրոնական մարմնում գործող տեղաբաշխման հանձնաժողովի գործունեության վերաբերյալ.
• ներկայացնել առաջարկություններ ներման խնդագրերի ոլորտի բարեփոխման վերաբերյալ, հրավիրել Ներման հարցերի քննարկման խորհրդակցական հանձնաժողովի նիստերը, ապահովել և վերահսկել Հայաստանի Հանրապետության նախագահի հրամանագրերի և ներում շնորհելու մասին Հայաստանի Հանրապետության նախագահի հրամանագրերի նախագծերի՝ իրավունքի ուժով ուժի մեջ մտնելու մասին ծանուցումների կատարման վերաբերյալ.
• քաղաքացիների (այդ թվում՝ օտարերկրյա քաղաքացիների և քաղաքացիություն չունեցող անձանց) և իրավաբանական անձանց դիմումների, բողոքների, առաջարկությունների, հարցումների պատասխանների կազմման նպատակով իրավասու մարմիններից պահանջել պարզաբանումներ, ստանալ տեղեկատվություն բողոքում կամ դիմումում արծարծվող հարցերի վերաբերյալ:

• ներկայացնել առաջարկություններ համակարգվող ոլորտի բարեփոխման վերաբերյալ.
• ապահովել համակարգվող ոլորտին առնչվող՝ Կառավարության ծրագրից և դրանից բխող միջոցառումների, ռազմավարությունների և դրանց իրականացման ծրագրից բխող, ինչպես նաև միջազգային պարտավորությունների կատարմանն ուղղված  միջոցառումների իրականացումը, ներկայացնել դրանց վերաբերյալ պարբերական հաշվետվություններ,  ինչպես նաև համագործակցել այլ շահագրգիռ մարմինների հետ.
• ուսումնասիրել համակարգվող ոլորտին առնչվող միջազգային և հասարակական կազմակերպությունների կողմից ստացված փաստաթղթերը և ներկայացնել կարծիք վերջիններիս վերաբերյալ.
• կազմակերպել Նախարարության քրեակատարողական և պրոբացիայի ծառայությունների գործունեության մեթոդական ղեկավարմանն առնչվող աշխատանքները.
• կազմակերպել սահմանված կարգով և ժամկետում համակարգվող ոլորտին առնչվող իրավական ակտերի դրույթների սահմանադրականության վիճարկման դեպքում Կառավարության բացատրության նախագծի, ինչպես նաև պատիժները կատարելու նկատմամբ հասարակական վերահսկողություն իրականացնող հասարակական դիտորդների խմբի կողմից ներկայացված հրատապ, ընթացիկ և տարեկան հաշվետվությունների, ՀՀ մարդու իրավունքների պաշտպանի կողմից ներկայացվող (այդ թվում՝ որպես կանխարգելման ազգային մեխանիզմ) զեկույցների, գրությունների վերաբերյալ Նախարարության մեկնաբանությունների տրամադրման աշխատանքները.
• ներկայացնել Բաժինը Նախարարության քրեակատարողական ծառայության կենտրոնական մարմնում գործող տեղաբաշխման հանձնաժողովում.
• ապահովել Ներման հանձնաժողովի ընթացիկ գործունեությունը, կազմակերպել հանձնաժողովի նիստերի արձանագրումը, կազմել հանձնաժողովի եզրակացության նախագծերը, ինչպես նաև հանձնաժողովի եզրակացությունները օրենքով սահմանված ժամկետում ներկայացնել Վարչության պետին.
• վերահսկել Հայաստանի Հանրապետության նախագահի հրամանագրերի և ներում շնորհելու մասին Հայաստանի Հանրապետության նախագահի հրամանագրերի նախագծերի՝ ուժի մեջ մտնելու մասին ծանուցումների կատարումը.
• ներման ոլորտի վերաբերյալ քաղաքացիների և իրավաբանական անձանց գրավոր դիմումների, միջնորդությունների և բողոքների օրենքով սահմանված կարգով քննարկման և վերլուծության արդյունքում ապահովել պատասխանների նախագծերի  կազման աշխատանքները.
• քննարկել և վերլուծել համակարգվող ոլորտների վերաբերյալ քաղաքացիների  և իրավաբանական անձանց գրավոր առաջարկությունները, դիմումները, այդ թվում՝ տեղեկատվության հարցումները և բողոքները:

Ունի գործառույթների իրականացման համար անհրաժեշտ գիտելիքներ։

Հանրային ծառայության առնվազն երեք տարվա ստաժ կամ չորսը տարվա մասնագիտական աշխատանքային ստաժ կամ իրավունքի բնագավառում՝ չորս տարվա աշխատանքային ստաժ։

Պատասխանատու է կառուցվածքային ստորաբաժանման կազմում գործող կառուցվածքային միավորի աշխատանքների կազմակերպման և ղեկավարման համար։

Կայացնում է որոշումներ կառուցվածքային ստորաբաժանման կազմում գործող կառուցվածքային միավորի աշխատանքների կազմակերպման և ղեկավարման շրջանակներում։

Ունի գերատեսչական մակարդակում աշխատանքների կազմակերպման և իր լիազորությունների իրականացման արդյունքում այլ անձանց վրա ազդեցություն։

Շփվում և որպես ներկայացուցիչ հանդես է գալիս տվյալ մարմնի, այլ պետական մարմինների և կազմակերպությունների ներկայացուցիչների, ինչպես նաև օտարերկրյա պետությունների և միջազգային կազմակերպությունների ներկայացուցիչների հետ՝ իր իրավասությունների շրջանակներում:

Իր լիազորությունների շրջանակներում բացահայտում է իր կողմից ղեկավարվող կառուցվածքային միավորի գործառույթներից բխող խնդիրները և դրանց տալիս լուծումներ։

ԿՈՄՊԵՏԵՆՑԻԱ