Բաժնի պետ-տեսուչն անմիջական ենթակա և հաշվետու է Կենտրոնի պետին:

Բաժնի պետ-տեսուչին անմիջական ենթակա և հաշվետու են Բաժնի աշխատողները:

Բաժնի պետ-տեսուչի բացակայության դեպքում նրան փոխարինում է Կենտրոնի պետը կամ Բաժնի պետ-տեսուչներից մեկը կամ Ավագ տեսուչներից մեկը:

1. ապահովում է տնտեսավարող սուբյեկտների կողմից դեղերի շրջանառության ոլորտը կարգավորող Հայաստանի Հանրապետության օրենքների և դրանց համապատասխան ընդունված նորմատիվ իրավական ակտերի պահանջների պահպանման նկատմամբ օրենքով սահմանված կարգով վերահսկողական աշխատանքները, ներառյալ՝ օրենքով սահմանված դեպքերում և կարգով ստուգումները,
2. ապահովում է դեղեր ներմուծող և արտահանող, դեղատնային գործունեություն իրականացնող ֆիզիկական և իրավաբանական անձանց կողմից գովազդի մասին օրենսդրության կատարման նկատմամբ ստուգումների, վարչական վարույթների իրականացման աշխատանքները,
3. ապահովում է դեղի ստեղծման, նախակլինիկական հետազոտության, կլինիկական փորձարկման, արտադրության, պատրաստման, դեղաբուսական հումքի մշակման, ներմուծման, արտահանման, փոխադրման, պահպանման, իրացման, բաշխման, կիրառման, տեղեկատվության տարածման, ոչնչացման նկատմամբ վերահսկողական աշխատանքները,
4. ապահովում է իր իրավասության շրջանակներում իրականացվող ստուգումների արդյունքներով բացահայտված խախտումների վերաբերյալ օրենքով սահմանված դեպքերում պարտադիր կատարման հանձնարարականների կազմման աշխատանքները՝ սահմանելով ժամկետներ դրանց վերացման համար,
5. ապահովում է «Լիցենզավորման մասին» օրենքով և այլ իրավական ակտերով սահմանված պահանջների և պայմանների խախտումների վերաբերյալ ֆիզիկական և իրավաբանական անձանց տրված լիցենզիաներն ուժը կորցրած ճանաչելու կամ դրանց գործողությունը կասեցնելու միջնորդագրերի կազմման աշխատանքները՝ լիցենզավորող մարմիններին ներկայացնելու նպատակով, ինչպես նաև ապահովում էՀայաստանի Հանրապետության օրենսդրությամբ սահմանված պահանջների և պայմանների խախտումների վերաբերյալ միջնորդագրերի կազմման աշխատանքները՝ թույլտվություն տրամադրող մարմիններին ներկայացնելու նպատակով,
6. ապահովում է «Նյութական պահուստի մասին» Հայաստանի Հանրապետության օրենքով իրեն վերապահված դեղերի շրջանառության ոլորտում վերահսկողական աշխատանքները,
7. ապահովում է «Բնակչության բժշկական օգնության և սպասարկման մասին» օրենքով նախատեսված իր իրավասության սահմաններում բժշկական փաստաթղթերի լրացման, դրանց պահպանման, շրջանառության, ինչպես նաև առողջապահության բնագավառում լիցենզիայի պայմանների և պահանջների նկատմամբ վերահսկողական աշխատանքները,
8. ապահովում է «Մարդու արյան և դրա բաղադրամասերի դոնորության և փոխներարկումային բժշկական օգնության մասին» օրենքով նախատեսված` իր իրավասության սահմաններում վերահսկողության իրականացման աշխատանքները,
9. ապահովում է«Մարդու վերարտադրողական առողջության և վերարտադրողական իրավունքների մասին» օրենքով նախատեսված՝ իր իրավասության սահմաններում վերահսկողական աշխատանքները,
10. ապահովում է «Հոգեբուժական օգնության մասին» օրենքով նախատեսված իր իրավասության սահմաններում վերահսկողական աշխատանքները,
11. ապահովում է«Մարդուն օրգաններ և (կամ) հյուսվածքներ փոխպատվաստելու մասին» օրենքով նախատեսված՝ իր իրավասության սահմաններում վերահսկողական աշխատանքները,
12. ապահովում է «Մարդու իմունային անբավարարության վիրուսից առաջացած հիվանդության կանխարգելման մասին» Հայաստանի Հանրապետության օրենքով նախատեսված՝ իր իրավասության սահմաններում վերահսկողական աշխատանքները՝ մարդու իմունային անբավարարության վիրուսից առաջացած հիվանդության կանխարգելմանէ ներառյալ պարտադիր բժշկական խորհրդատվության և հետազոտության նկատմամբ,
13. ապահովում է մանկական և վաղ տարիքի երեխաների կաթնախառնուրդների, մինչև 6 ամսական մանուկների համար մանկական կաթնախառնուրդ չհանդիսացող ցանկացած սննդամթերքի և հարակից ապրանքների, բուժտեխնիկայի և բուժական մեթոդների, բժշկական օգնության և սպասարկման, մարդու օրգանների և հյուսվածքների, արյան կամ դրա բաղադրամասերի դոնորության և փոխներարկումային բժշկական օգնության գովազդների նկատմամբ վերահսկողական աշխատանքները,
14. ապահովում է առողջապահության և աշխատանքային իրավունքի՝ ներառյալ առողջության պահպանման և անվտանգության ապահովման ոլորտում Հայաստանի Հանրապետության օրենքների և այլ նորմատիվ իրավական ակտերի (այդ թվում՝ տեխնիկական կանոնակարգերի) պահանջների խախտման դեպքում օրենքով սահմանված պատասխանատվության միջոցներ կիրառելու նպատակով անհրաժեշտ նյութերի նախապատրաստման և առաջարկություն ներկայացնելու աշխատանքները,
15. ապահովում է առողջապահության և աշխատանքային իրավունք՝ ներառյալ առողջության պահպանման և անվտանգության ապահովման ոլորտում Հայաստանի Հանրապետության օրենքների և նորմատիվ իրավական ակտերի դրույթների կիրառման վերաբերյալ բացատրական, տնտեսավարող սուբյեկտներին իրենց իրավունքների և պարտականությունների մասին տեղեկացման աշխատանքների իրականացումը,
16. ապահովում է տնտեսավարող սուբյեկտների կողմից (բացառությամբ սննդամթերքի և ոչ պարենային արտադրանքի անվտանգության բնագավառների օրենսդրության պահանջների) բնակչության սանիտարահամաճարակային անվտանգության ապահովման մասին Հայաստանի Հանրապետության օրենսդրության պահանջների պահպանման ու սանիտարահամաճարակային կանխարգելիչ միջոցառումների նկատմամբ վերահսկողական աշխատանքները,
17. ապահովում է վարակիչ, մասնագիտական (պրոֆեսիոնալ) ու զանգվածային ոչ վարակիչ հիվանդությունների, թունավորումների առաջացման ու դրանց տարածման պատճառների և պայմանների բացահայտումը (հայտնաբերումը) և դրանց կանխարգելման նպատակով սանիտարահիգիենիկ և հակահամաճարակային կանխարգելիչ միջոցառումների կազմակերպման նկատմամբ վերահսկողական աշխատանքները,
18. ապահովում է սննդային գործոնով պայմանավորված` վարակիչ հիվանդությունների ու թունավորումների կամ մարդկանց և կենդանիների համար ընդհանուր վարակիչ հիվանդությունների hայտնաբերման դեպքում սննդամթերքի անվտանգության պետական վերահսկողություն իրականացնող մարմիններին տեղեկացման աշխատանքները և դրանց առաջացման, ինչպես նաև տարածման պատճառների ու պայմանների հայտնաբերման և հակահամաճարակային միջոցառումների կազմակերպման աշխատանքներում համագործակցությունը,
19. ապահովում է վարակիչ, զանգվածային ոչ վարակիչ հիվանդությունների և թունավորումների առաջացման, ինչպես նաև տարածման պատճառների ու պայմանների հայտնաբերման և վերահսկողության ապահովման նպատակով անհրաժեշտ առաջարկությունների մշակման աշխատանքները,
20. ապահովում է վերահսկողության շրջանակներում սանիտարահիգիենիկ փորձաքննության ու լաբորատոր հետազոտություններ կատարելու նպատակով նմուշառման և գործիքային չափումների իրականացման աշխատանքները,
21. ապահովում է Հայաստանի Հանրապետության տարածքում բնակչության սանիտարահամաճարակային անվտանգության ապահովման անհրաժեշտությունից ելնելով՝ կարանտին սահմանելու մասին որոշման ընդունման վերաբերյալ իրավասու մարմիններ առաջարկություն ներկայացնելու հետ կապված աշխատանքները,
22. ապահովում է ՀՀ կառավարության 2003 թվականի մարտի 27-ի «Առողջական վիճակի պարտադիր նախնական (աշխատանքի ընդունվելիս) և պարբերական բժշկական զննության կարգը, գործունեության ոլորտների, որոնցում զբաղված անձինք ենթակա են առողջական վիճակի պարտադիր զննության, և բժշկական զննության ծավալի ու հաճախականության ցանկը, անձնական սանիտարական (բժշկական) գրքույկի, բժշկական զննության ենթակա անձանց անվանացանկը, անձին ժամանակավորապես աշխատանքի չթույլատրելու մասին որոշման ձևերը հաստատելու մասին» N 347-Ն որոշման համաձայն՝ նախնական և պարբերական բժշկական զննության չենթարկված անձանց օրենքով սահմանված դեպքերում և կարգով աշխատանքի չթույլատրելու մասին որոշման կայացման վերաբերյալ Տեսչական մարմնի ղեկավարին առաջարկության ներկայացման աշխատանքները,
23. ապահովում է վարակիչ հիվանդությունների օջախներում, որտեղ առկա են վարակիչ, այդ թվում՝ մակաբուծային հիվանդությունների առաջացման և տարածման համար պայմաններ՝ ախտահանման, միջատների կամ կրծողների ոչնչացման աշխատանքներ իրականացնելու վերաբերյալ օրենքով սահմանված դեպքերում և կարգով կարգադրագիր տալու վերաբերյալ առաջարկության ներկայացման աշխատանքները,
24. ապահովում է մարդու կյանքին և առողջությանն էական վտանգ սպառնացող խախտումների արձանագրման դեպքում, օրենքով սահմանված դեպքերում և կարգով ուսումնական և կրթական հաստատությունների, առողջապահական և մշակութային օբյեկտների գործունեությունը կասեցնելու մասին Տեսչական մարմնի ղեկավարին առաջարկության ներկայացման աշխատանքները,
25. ապահովում է խմելու, կենցաղային, տնտեսական, արտադրական, տեխնիկական կարիքների համար ջրի օգտագործումը կասեցնելու վերաբերյալ Տեսչական մարմնի ղեկավարին առաջարկության ներկայացման աշխատանքները, եթե ջրի որակը չի համապատասխանել սանիտարական կանոնների և նորմերի պահանջներին և առաջացել է մարդու առողջության վրա ազդեցության էական վտանգ,
26. ապահովում է բժշկական ու հիգիենիկ գիտելիքների և առողջ ապրելակերպի մասին իրազեկման աշխատանքները,
27. ապահովում է աշխատողների առողջության պահպանման և անվտանգության ապահովման նորմերի կիրառման նկատմամբ վերահսկողական աշխատանքները,
28. ապահովում է մասնագիտական հիվանդության (կամ թունավորման) վերջնական ախտորոշման նպատակով, ՀՀ կառավարության 2004 թվականի հուլիսի 15-ի N 1089-Ն որոշման հավելված 4-ով հաստատված կարգի համաձայն, աշխատողի աշխատանքի պայմանների հիգիենիկ բնութագրի, ինչպես նաև տվյալ մասնագիտական հիվանդության (թունավորման) զարգացման վրա արտադրական միջավայրի հնարավոր ազդեցության մասին եզրակացության տրամադրման աշխատանքները,
29. ապահովում է գործատուներին, աշխատողներին և նրանց ներկայացուցիչներին աշխատողների անվտանգության ապահովմանը և առողջության պահպանմանը առնչվող օրենսդրությանը համապատասխանության վերաբերյալ տեղեկատվության և (կամ) խորհրդատվության տրամադրման աշխատանքները,
30. ապահովում է աշխատանքային իրավունքի ոլորտում օրենքով սահմանված պետական վերահսկողական աշխատանքները,
31. ապահովում է «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» Հայաստանի Հանրապետության օրենքով նախատեսված՝ իր իրավասության սահմաններում վերահսկողական աշխատանքները՝ ծխախոտային արտադրատեսակների կամ դրանց պատկանելիքների կամ ծխախոտային արտադրատեսակների փոխարինիչների (բացառությամբ բժշկական նպատակով օգտագործվող փոխարինիչներից) և (կամ) ծխախոտային արտադրատեսակների նմանակների վաճառքի կանոնների, գովազդի, իրացման (վաճառքի) խթանման արգելքի ու սահմանափակումների, ինչպես նաև օգտագործման սահմանափակումների ուղղությամբ միջոցներ ձեռնարկելու պահանջների կատարման նկատմամբ,
32. ապահովում է աշխատանքային իրավունքի ոլորտում Հայաստանի Հանրապետության օրենքների և նորմատիվ իրավական ակտերի դրույթների կիրառման վերաբերյալ բացատրական աշխատանքների իրականացումը,
33. ապահովում է տնտեսավարող սուբյեկտներին իրենց իրավունքների և պարտականությունների մասին տեղեկացման աշխատանքները,ապահովում է Հայաստանի Հանրապետության օրենսդրությամբ նախատեսված դեպքերում վարչական վարույթների հարուցման, ստուգումների և ուսումնասիրությունների իրականացման աշխատանքները,
34. օրենսդրությամբ սահմանված դեպքերում և կարգով պետական սահմանի անցման կետերում ապահովում է կանխարգելիչ, բժշկական և սահմանափակող միջոցառումների իրականացումը,
35. օրենսդրությամբ սահմանված դեպքերում և կարգով սահմանային անցման կետով ՀՀ տարածք ժամանելիս կամ այդ տարածքից հեռանալիս ապահովում է սանիտարակարանտինային վերահսկողական աշխատանքների իրականացումը՝ անձանց և տրանսպորտային միջոցների նկատմամբ,
36. օրենսդրությամբ սահմանված դեպքերում և կարգով ապահովում է Հայաստանի Հանրապետության բնակչության սանիտարահամաճարակային անվտանգության ապահովման ոլորտի` Հայաստանի Հանրապետության օրենքների և դրանց համապատասխան ընդունված իրավական ակտերի դրույթների կիրառման վերաբերյալ բացատրական, իրազեկման և համապատասխան խորհրդատվության տրամադրման աշխատանքների իրականացումը:

• վերահսկողության իրականացման ընթացքում համապատասխան ստորաբաժանումներից կամ այլ տեսչական մարմիններից պահանջել առողջապահության և աշխատանքային իրավունքի՝ ներառյալ աշխատողների առողջության պահպանման և անվտանգության ապահովման ոլորտներին առնչվող անհրաժեշտ տեղեկատվություն,
• ստուգումների, վարչական վարույթների շրջանակներում Բաժնի առջև դրված գործառույթների և խնդիրների իրականացման հետ կապված հրավիրել խորհրդակցություններ՝ դրանց մասնակից դարձնելով համապատասխան մարմինների պաշտոնատար անձանց, մասնագետների և փորձագետների,
• ստուգումների ընթացքում տնտեսավարող սուբյեկտներից պահանջել փաստաթղթեր, տվյալներ և այլ տեղեկություններ, բացատրություններ, տեղեկանքներ, որոնք անմիջականորեն առնչվում են իր իրավասության շրջանակներում իրականացվող ստուգման նպատակներին,
• ստուգումների ընթացքում տնտեսավարող սուբյեկտներից վերցնել փաստաթղթեր, կրկնօրինակներ, լուսապատճեններ, իրեր, փորձանմուշներ և այլ անհրաժեշտ նյութեր, որոնք անմիջականորեն առնչվում են ստուգման նպատակներին և չեն խոչընդոտում տնտեսավարող սուբյեկտի բնականոն աշխատանքին,
• պահանջել Բաժնի աշխատողներից ներկայացնել ստուգումների, վարչական վարույթների իրականացման վերաբերյալ տեղեկատվություն,
• մասնակցել՝ օրենքով վերահսկողություն կամ հսկողություն իրականացնելու գործառույթ իրականացնող այլ պետական մարմինների հետ կազմակերպված աշխատանքային քննարկումներին՝ պետական մարմինների ժամանակավորապես տեղակայումը պետական սահմանի անցման կետերում անխոչընդոտ իրականացնելու և տեղակայման արդյունավետությունն ապահովելու նպատակով,
• պետական սահմանի անցման կետերում իրականացվող կանխարգելիչ, բժշկական և սահմանափակող միջոցառումների շրջանակներում ցուցումներ տալ  մեկուսացման և ինքնամեկուսացման հրահանգների կատարման ժամանակ:

• Կենտրոնի պետին ներկայացնել առաջարկություն ստուգումների արդյունքներով բացահայտված խախտումների վերացման նպատակով ժամկետներ սահմանելու վերաբերյալ,
• ստուգումներ իրականացնելիս առանց տնտեսավարող սուբյեկտի պաշտոնատար անձի գրավոր համաձայնության` չհրապարակել ստուգման ընթացքում իրեն հայտնի դարձած տնտեսավարող սուբյեկտի գործառնությունների վերաբերյալ տեղեկությունները,
• ստուգել վարչական իրավախախտումների գործերի քննության համար անհրաժեշտ փաստաթղթերի, վարչական իրավախախտումների տուգանքի որոշման նախագծերի իրավական հիմքերը և առաջարկություն ներկայացնել Կենտրոնի պետին,
• ուսումնասիրել ՀՀ օրենսդրությամբ նախատեսված դեպքերում վարչական վարույթ հարուցելու, վարույթ իրականացնելու համար անհրաժեշտ գրությունների, իրավական ակտերի նախագծերի համապատասխանությունն օրենսդրությանը,
• ուսումնասիրել առողջապահության և աշխատանքային իրավունքի՝ ներառյալ աշխատողների առողջության պահպանման և անվտանգության ապահովման ոլորտները կարգավորող իրավական ակտերը և ներկայացնել համապատասխան առաջարկություններ,
• հավաքագրել և ամփոփել ստուգումների, վարչական վարույթների իրականացման վերաբերյալ տրամադրվող տեղեկատվությունը և ներկայացնել Կենտրոնի պետին,
• ներկայացնել առաջարկություն առողջապահության և աշխատանքային իրավունքի՝ ներառյալ աշխատողների առողջության պահպանման և անվտանգության ապահովման ոլորտները կարգավորող իրավական ակտերի պահանջների խախտման հայտնաբերման դեպքում օրենքով սահմանված պատասխանատվության միջոցների կիրառման վերաբերյալ,
• հսկել տնտեսվարող սուբյեկտի գործունեությանն առնչվող իրավական ակտերի մասին տնտեսվարող սուբյեկտների իրազեկումն ապահովելու նպատակով նյութերի պատրաստման աշխատանքները և բովանդակությունը,
• հսկել պետական սահմանի անցման կետերում հատուկ առանձնացված վայրերում օրենսդրությամբ սահմանված դեպքերում և կարգով համապատասխան մասնագետների տեղակայման ընթացքը,
• հսկել պետական սահմանի անցման կետերում հատուկ առանձնացված վայրերում աշխատողներին հատուկ սարքավորումներով և անհրաժեշտ այլ միջոցներով ապահովման ընթացքը:

Բարձրագույն կրթություն:

Ունի գործառույթների իրականացման համար անհրաժեշտ գիտելիքներ:

Հանրային ծառայության առնվազն երեք տարվա ստաժ կամ չորս տարվա մասնագիտական աշխատանքային ստաժ կամ առողջապահության կամ ստուգումների կազմակերպման և անցկացման բնագավառում` չորս տարվա աշխատանքային ստաժ:

Պատասխանատու է համապատասխան մարմնի՝ մարզում տեղակայված կառուցվածքային ստորաբաժանման կազմում գործող կառուցվածքային միավորի աշխատանքների կազմակերպման և ղեկավարման համար։

Կայացնում է որոշումներ համապատասխան մարմնի՝ մարզում տեղակայված կառուցվածքային ստորաբաժանման կազմում գործող կառուցվածքային միավորի աշխատանքների կազմակերպման և ղեկավարման շրջանակներում։

Ունի գերատեսչական մակարդակում աշխատանքների կազմակերպման և իր լիազորությունների իրականացման արդյունքում այլ անձանց վրա ազդեցություն։

Շփվում և որպես ներկայացուցիչ հանդես է գալիս պետական մարմինների և կազմակերպությունների ներկայացուցիչների, ինչպես նաև օտարերկրյա պետությունների և միջազգային կազմակերպությունների ներկայացուցիչների հետ՝ ներկայացնելով համապատասխան կառուցվածքային ստորաբաժանումը:

Իր լիազորությունների շրջանակներում բացահայտում, վերլուծում և գնահատում է իր կողմից ղեկավարվող կառուցվածքային միավորի գործառույթներից բխող խնդիրները և դրանց տալիս լուծումներ։

ԿՈՄՊԵՏԵՆՑԻԱ